Янги йил яқинлашмоқда, демак, севимли байрам меваси — мазали мандаринлар сотиб олиш вақти келди. Уларнинг хушбўй ҳиди дарҳол кайфиятни Янги йил режимига ўтказиши мумкин. AdMe нашри мазкур мавсум меваларини танлашда хатога йўл қўймаслик учун энг сара маслаҳатлар билан бўлишди.
Қайси бири сувли эканини билиш учун 2 та бир хил мевани солиштириб кўринг
Меваларни танлашда уларнинг бир хил ўлчамдагисини қўл билан таққослаб кўриш керак. Қайси бири оғирроқ бўлса, у сувли бўлади. Енгилроғи эса дарахтдан эртароқ узиб олинган ва кўп вақт давомида дўкон растасида тургани учун сувсизланиб қолади.
Мандарин яхшилаб текшириб кўрилади
Агар мева янги бўлса, унинг узилган жойи оқ ва юмшоқ бўлиши керак. Атрофдаги қобиқ қуриб, жигарранг бўлса, унда мандарин аллақачон эскирган бўлиши мумкин.
Мандарин пўстига эътиборли бўлинг
Мандарин пўсти зич ва қаттиқ бўлиши керак. Агар пўстлоғ юмшоқ ва катта бўлса, бу мева жуда кўп шарбатини йўқотганини кўрсатади.
Мандаринни баргларига ҳам қараб танлаш мумкин
Мева барглари эластик ва яшил бўлса, бу унинг янги эканини англатади. Бироқ барглар жуда тез қурийди, шунинг учун агар улар қуриб қолса ва осонгина синса, мева эскирган бўлиши мумкин. Иложи бўлса, бир вақтнинг ўзида бир нечта белгиларга эътибор бериш ёки ҳар доим янги барглари бўлган мандаринларни танлаш тавсия этилади.
Турли мамлакатлардан келган мандарин навларининг таъми ҳар хил
- Энг ширин мандаринлар Испанияда ўсади. Ушбу мевалар катта ва жуда ёрқин рангга эга. Туркия навлари кўпроқ нордон бўлиши мумкин. Улар кичикроқ, қобиғининг ранги оч сариқ рангга эга.
- Марокаш мандаринлари жуда ширин, қобиғи қизил-тўқ сариқ рангга эга, деярли барча навлари уруғсиз.
- Абхазия мандаринлари бироз нордон ва ажойиб ҳидга эга, уни ҳеч нарса билан аралаштириб бўлмайди. Мевалар ҳажми жиҳатидан ҳам фарқ қилади, ранги сарғиш, масалан, испан мандаринлари каби ёрқин эмас.
Сотиб олинган меваларни керакли жойда сақланг
Кўпинча мандаринлар исталган вақтда олиш ва ейиш учун стол устида сақланади. Бундан ташқари, улар чиройли ва байрамона кўринади. Аммо бу меваларни ёруғ ва илиқ жойда қолдириш яхши фикр эмас. Мандаринлар музлаткичда, ҳаво ўтказадиган идишда сақланса, таъми ва янгилигини анча узоқроқ сақлайди. Шу ҳолдатда уларни 2-3 ҳафта давомида сақлаш мумкин.
Клементинлар — мандарин ва қизил апельсин гибриди
- Кичикроқ меваларни танлаш керак, улар одатда ширин бўлади. Катталари бироз нордон бўлиши мумкин.
- Пўсти юмшоқ ва юпқа, ранги бир хил ва ёрқин, қора доғларсиз бўлиши керак.
- Агар бутун қутини сотиб олсангиз, уни ҳар томондан текшириб кўриш ва унинг шикастланмаганлигига ва пастдан намланмаганлигига ишонч ҳосил қилиш лозим.
Изоҳ (0)