Хорватия терма жамоаси устози Златко Далич ЖЧ—2022 чорак финали Бразилияга қарши ўйиндан сўнг (пенальтилар сериясида 4:2) ўз фикрларини билдириб ўтди.
«Бу ғалаба Хорватия халқи учун бағишланади. Биз турнирнинг асосий фаворити устидан ғалаба қозондик.
Бу — Хорватия! Бизга паст баҳо берманг деб аввал ҳам айтгандим. Шу билан тўхтаб қолмаймиз, давом этамиз.
Барча қўлидан келганча ҳаракат қилди. Менинг футболчиларим ақлдан озган», — дейди Далич.
Хорватия терма жамоаси пенальтилар сериясида Бразилияни мағлуб этиб, ярим финал йўлланмасини қўлга киритди. Ярим финалда хорватларга Нидерландия—Аргентина жуфтлиги ғолиби рақиб бўлади.
Изоҳ (0)