Netflix платформаси бир неча йилдан буён АҚШда истиқомат қилаётган Британия қироличаси Елизавета II нинг невараси, шаҳзода Гарри ва унинг рафиқаси Меган Маркл ҳақида фильм суратга олди. Ҳужжатли фильм трейлери Netflix платформасида 1 декабрь куни намойиш этилди. Шундан кейин фильм муҳокамаларга сабаб бўлиб, Гарри ва Меган қироличани масхара қилганликда ва қироллик аъзоларини ирқчи деб атаганликда айбланди.
Гарри ва Меган ҳақида суратган олинган Netflix’нинг янги лойиҳаси намойиш этилгандан сўнг қироллик оиласи «қайғули ҳолат»га тушди. Жуфтлик қиролича Елизаветта II ни масхара қилди, Британия ва қироллик аъзолари ирқчи экани ҳақида фикр билдирди, дейилади хабарда.
https://twitter.com/ClownWorld_/status/1600933623028273152
Шаҳзода Уильям укаси унга ва рафиқаси Кейтнинг шахсиятига тегувчи гапларни айтганидан сўнг, ўзини хиёнат қилингандек ҳис қилди. Сассекс герцоги укасининг Африкадаги бир гуруҳ дўстлари томонидан отасига нисбатан нафрат билан тарбияланганини айтди, деб ёзмоқда The Sun нашри. Гарри, шунингдек, 2005 йилда The Sun газетасининг биринчи саҳифасида намойиш этилган зиёфатда нацистлар формасини кийган вақти ҳақида ҳам гапирди.
Қироллик шарҳловчиси Майкл Коул эса жуфтлик ҳақидаги бу лойиҳа кенг муҳокамаларга сабаб бўлганини айтди.
Гаррининг рафиқаси Меган бир эпизодда қироллик аъзолари ҳақида фикр билдириб, уларнинг анъаналарини АҚШнинг ўрта асрлардаги ҳашаматли ресторанлар тармоғи билан таққослаган ва қиролича билан учрашганини ҳам тасвирлаб берган.
Сирлиликни яхши кўрадиган 41 ёшли Меган Netflix’даги янги ҳужжатли фильмнинг сюрреал эканини айтди. «Биз машинада эдик ва Гарри менга: ‘Қироллик аъзолари билан қандай гаплашишни биласизми?’ — деди. Мен эса буни ҳазил деб ўйладим. Кейин эса бу катта иш эканини тушуна бошладим. Айтмоқчиманки, америкаликлар буни тушунади. Бизда ўрта асрлардаги одатлар бор — кечки овқат ва турнир», — дейди Меган.
Америка Қўшма Штатларининг бир нечта штатларида жойлашган аттракционда меҳмонлар зиёфат уюштиради ва қиролича кубоги учун рицарлар беллашувини томоша қилар эди. Қироллик оиласи жуфтликнинг сўнгги чиқишлардан кейин «қайғуда» экани ҳақида хабар берилган эди, бироқ энг ёмони ҳали олдинда бўлиши мумкин.
Британия парламенти аъзоси Боб Сили бу ҳолатдан ғазабланиб: «Агар у бу мамлакатни, монархияни ёмон кўрса, нега биз унга унвонларини сақлаб қолишига рухсат беришимиз керак? Агар менда етарлича вақт бўлганида, шахсий аъзолик ҳисобини депозит қилган бўлардим. Монархиядан нафратланишни истасангиз, сиз жаноб Виндсорсиз. Югуринг. Ўсинг. Уларнинг ҳаётида нима бўлганини билмайман. Менимча, улар аянчли, нарсистик, ўзини ўзи севадиган жуфтлик. Улар қўрқинчли», — дейди депутат.
Netflix яқинда фильмнинг учта эпизодини тақдим этди ва уларни жуфтликнинг севги ҳикояси деб атади.Сассекслар қироллик аъзоларига, Британияга ва оммавий ахборот воситаларига нисбатан ёмон фикр билдирганини кўрган томошабинлар бу ҳолатдан ҳайрон бўлди. Айрим манбаларнинг таъкидлашича, жуфтлик Netflix билан 150 миллион долларлик келишувга эга бўлганлиги сабабли, улар бу лойиҳалардан кейинги фильм, ҳужжатли сериал, болалар учун шоуда суратга тушишни тўхтата олмайди. Улар 2020 йилнинг бошида Megxit билан келишувга эришганидан кейин видеокундалик юритишни бошлагани аниқ.
Шоу 38 ёшда бўлган Гаррининг сўнгги қироллик маросимини тугатгандан сўнг Xitrouдаги воқеалар билан бошланган. Гарри рафиқаси Меган ва ўғли Арчига нисбатан қўйилган «нафрат даражаси»га норозилик билдирган ва вазифаси оиласининг хавфсизлигини таъминлашдан иборат эканини айтган.
Маълумот учун, 2021 йилнинг 7 март санасида Британия шаҳзодаси Гарри ва унинг рафиқаси Меган Маркл америкалик телебошловчи Опра Уинфрига интервью берган. Маркл интервьюда қирол оиласи аъзолари унга совуқ муносабатда бўлгани, биринчи ўғли Арчига ҳомиладор бўлганида, қирол оиласининг баъзи аъзолари ҳали туғилмаган боланинг «териси қанчалик даражада қора» бўлишидан хавотирланганини айтган.
Британия шаҳзодаси шунингдек, оммавий ахборот воситаларида эксплуатация ва порахўрликни фош этишни ўз бурчи, деб билиши ҳақида гапирди. Гарри қироллик аъзолари Меганга дош бера олмаганини ва бу воқелар давом этади деб ўйламаганини айтди.
«Тарих такрорланди»
Оммавий ахборот воситаларида турли хил сарлавҳалар остида янгиликлар тарқалмоқда. Гаррининг таъкидлашича, қироллик оиласида жуда кўп нотўғри қарашлар мавжуд. У Меганнинг терисининг ранги туфайли қиролликнинг бошқа келинларидан фарқли муносабатда бўлингани ҳақида фикр билдирган. Гарри қироллик аъзолари Уильям ва Чарльз ҳақида ҳам гапириб, улар ўзларининг юрагига қулоқ тутишдан кўра қолипга мос келадиган инсон билан турмуш қурганини ҳам таъкидлаган. Чарльз III нинг ўғли Гаррининг айтишича, унинг онаси Дианани ҳеч ким ҳимоя қилмаган ва у Меган билан бундай «тарих такрорланишини» хоҳламаган.
Гарри бир эпизодда 2005 йилда зиёфатга нацистлар формасини кийгани учун уятли ҳолатга тушгани ҳақида гапириб, буни ҳаётидаги энг катта хато деб атаган. Қизиғи шундаки, фильмда Британиянинг мустамлакачилик ўтмиши ҳам намойиш этилган. Саройнинг собиқ матбуот котиби, ҳозирда жуфтликнинг Archewell хайрия ташкилотининг бош директори Жеймс Холт Brexit уларни «патриотизм ва миллатчиликнинг идеал бўрони» деб атаган.
Жуфтлик, шунингдек, Букингем саройи Уильям ва Кейт билан алоқа қилиш учун фақат битта алоқа ходимини даъво қилмоқда, у эса Гарри ва Меганни оммавий ахборот воситаларидан ҳимоя қила олмаган. Гарри Уильям ҳақида фикрларини билдириб, инсонлар тушунмайдиган нарса шундаки, кўплаб қироллик оила аъзолари Меган бошидан кечириши керак бўлган ҳамма нарсани бошдан кечирганидан хавотирда эди.
Баъзи қироллик оила аъзолари: «Менинг рафиқам ҳам буни бошдан кечирган, нега сизнинг қиз дўстингизга бошқача муносабатда бўлиш керак?», «Нега сизга бошқача муносабатда бўлиш керак?», «Нега уни ҳимоя қилиш керак?», — деб айтганини маълум қилган. Гарри эса бунинг ирқ билан боғлиқлигини айтган. Уиллс ва Кейт билан кечки овқатни эслаган Меган: «Мен жинси шимда эдим. Масалан, мен қучоқлашиб кўришаман, ҳар доим қучоқлаганман. Бу эса кўплаб британияликларни ғазаблантираётганини тушунмадим», — дейди Меган.
Маълумотларга кўра, Уильям Гарридан кўп йиллар давомида яқин бўлиб, ораларида масофа борлиги ҳақида гапиргани учун хафа бўлган.
Мавзуга доир:
- Меган Маркл Голливуд фильмларини Осиё аёллари ҳақидаги стереотиплар учун танқид қилди.
- 21 миллион долларлик овоз: Меган Маркл ўзининг биринчи подкастида нима ҳақида гапирди?
- Меган Маркл Британия қироллик оиласидаги ирқчилик ҳақида гапириб, шов-шувга сабаб бўлган интервьюсидан кейин илк бор қиролича Елизавета II билан учрашди.
- Шаҳзода Гарри ва Меган Маркл биринчи марта қизи Лилибетнинг фотосини кўрсатди.
Изоҳ (0)