Луис Энрикега Испания ва Англия клублари қизиқиш билдирмоқда

Испания терма жамоасидан истеъфога чиққан Луис Энрике «Атлетико» ва «Манчестер Юнайтед» жамоаларидан бирини бошқариши мумкин.

АС нашрининг хабарига кўра, Диего Симеоне ёзда «Атлетико»ни тарк этса, «матрасчилар» раҳбарияти Энрикега юзланади.

Шунингдек испаниялик мутахассисга АПЛ клубларидан ҳам таклиф бор. «Манчестер Юнайтед» Луис учун асосий номзодлардан бири. Манкунианликлар мавсумнинг иккинчи қисмида жамоа ёмон натижалар қайд этса, Эрик тен Ҳагни истеъфога чиқаради.

Испания терма жамоаси ЖЧ—2022 1/8 финалида Марокашга пенальтилар сериясида мағлуб бўлиб, мусобақани тарк этганидан сўнг, Луис Энрике ўз вазифасидан озод этилди.

Энрике фаолияти давомида «Сельта», «Рома» ва «Барселона» клубларини бошқарган.