Аи-80 6 800 сўмдан: Тошкентда кунлик бензин нархлари эълон қилинди

UNG Petro 6 декабрь куни Тошкент шаҳрида бензин қуйиш шохобчаларидаги нархларни эълон қилди.

Унга кўра, Аи-80 Tatneft бензин қуйиш шохобчасида энг қиммат нархда сотилмоқда — 1 литр учун 7 500 сўм. Бу нарх 25 ноябрга нисбатан 300 сўмга арзонлаган. 

Tatneft шохобчаси, шунингдек, Аи-92 ва Аи-95 турдаги бензинларни ҳам  энг баланд нархда таклиф қилмоқда — 1 литр учун мос равишда 12 500 сўм ва 14 000 сўм билан сотилмоқда. Нархлар 25 ноябрга нисбатан ўзгармаган. 

Аи-80 бензинини энг арзон нархда UNG Petro, IBR Petroleum Station, «Intrant Servis» ва Miss Petrol 6 800 сўмдан қуйиб бермоқда. Бу нарх ноябрь охирига нисбатан 200 сўмга ошган.   

Аи-92 учун энг арзон нархни ушбу бензин қуйиш шохобчалари таклиф қилмоқда — 9 500 сўм. Нархлар ноябрь охирига нисбатан ўзгармаган.  

Аи-95 турдаги бензинни эса энг арзон нархда мижозларга UNG Petro қуйиб бермоқда — 1 литрига 10 500 сўм. Аи-95 нархи ҳам 25 ноябрга нисбатан ўзгармаган. 

Март ойидаги маълумотлардан фарқли равишда Аи-98 нархлари ҳеч қайси бензин қуйиш шохобчасида кўрсатилмаган.

Аввалроқ Ўзбекистонда бензин нархларини сунъий оширган АЁҚШларга тегишли чора кўрилиши маълум қилинганди.