Бухорода «права» олиш учун пул эвазига имтиҳондан ўтказиб қўймоқчи бўлган шахсларга жиноят иши қўзғатилди.
Бош прокуратура ҳузуридаги департамент ҳамда ИИВнинг Бухоро вилояти бошқармалари томонидан ўтказилган тезкор тадбирда, «Б.Р.» автомактаб ўқитувчиси Б.Ҳ. ҳамда «Ватанпарвар» ташкилотининг Вобкент туман бўлими ўқитувчи-механиги Ж.С. фуқаро А.А.ни танишлари ёрдамида ҳайдовчилик гувоҳномасини олиш учун бўлиб ўтадиган имтиҳондан ўтказиб қўйишлари эвазига 300 доллар олган вақтларида ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
Мавзуга доир:
Изоҳ (0)