Бухородаги уйда чиққан ёнғин сабаб эр-хотин ва уларнинг 3 фарзанди ҳалок бўлди

Бухоро вилояти Жондор туманида фуқаронинг уйи ёниб, оқибатда 5 киши ҳалок бўлди. Бу ҳақда вилоят прокуратураси хабар бермоқда.

Қайд этилишича, 5 декабрь куни соат 15:25 да Жондор туманидаги «Охших» маҳалла фуқаролар йиғини Охших қишлоғида яшовчи 1986 йилда туғилган Н.У.нинг хонадонида ёнғин содир бўлган. Ҳодиса оқибатида келиб чиққан ис газидан ўткир заҳарланган хонадон соҳиби Н.У. ва унинг турмуш ўртоғи Н.Т. ҳамда фарзандлари — 2011 йилда туғилган Н.О., 2015 йилда туғилган М.О. ва 2020 йилда туғилган С.О. ҳалок бўлган.

Ушбу ҳолат юзасидан вилоят прокуратураси томонидан Жиноят кодексининг 259-моддаси (ёнғин хавфсизлиги қоидаларини бузиш) 2-қисми билан жиноят иши қўзғатилиб, дастлабки тергов ҳаракатлари олиб борилмоқда.

Мавзуга доир:

• Тошкент вилоятида эр-хотин ва уларнинг уч ойлик чақалоғи ис газидан вафот этди
• Самарқандда ота ва унинг 5 ёшли қизи жонсиз ҳолда топилди
• Фарғонада ёш келин-куёв ис газидан заҳарланиб, вафот этди