Хоразмда суғориладиган ерда ноқонуний равишда сунъий балиқ кўли ташкил қилиниб, давлатга 15,4 млрд сўм зарар етказилди. Бу ҳақда Бош прокуратура матбуот хизмати хабар берди.
Маълум қилинишича, Хоразм вилояти прокуратураси томонидан олиб борилган текширишда фуқаро Ш.Г. Янгиариқ тумани «Қўриқтом» маҳалласи ҳудудидаги «Б.Т.И.» фермер хўжалигига ажратилган 34 балл бонитетли жами 40,7 гектар суғориладиган ер майдонининг 37,9 гектар қисмида ноқонуний равишда сунъий балиқ кўли ташкил қилгани аниқланган.
Бунинг оқибатида тупроқнинг унумдорлик қатламини бузиб, давлат манфаатларига 15,4 млрд сўм миқдорида зарар етказилган.
Мазкур ҳолат юзасидан «Б.Т.И.» фермер хўжалиги раҳбари Г.Ш.га нисбатан Жиноят кодексининг 197-моддаси ва бошқа тегишли моддалар билан жиноят иши қўзғатилиб, тергов ҳаракатлари олиб боришга киришилган.
Мавзуга доир: Сирдарёда 3 гектар суғориладиган ерда балиқчилик кўли ташкил этиб, 1,3 млрд сўм зарар етказган фермер ушланди
Изоҳ (0)