Бугун,

  • USD 11095.31
  • RUB 173.84
  • EUR 10772.44

Наманганда вилоят ҳокими Шавкат Абдураззоқов бошчилигида давлат хизматчилари томонидан одоб-ахлоқ қоидаларига риоя этилишини таъминлаш бўйича кенгайтирилган муҳокама йиғилиши ўтказилди. Бу ҳақда «Дарё» мухбири Азизбек Абдувалиев хабар бермоқда.

Фото: Раҳмонжон Мамадалиев

Селектор тартибида ўтказилган йиғилишда сектор раҳбарлари, вилоят ҳокимининг ўринбосарлари, маслаҳатчилари, шаҳар ва туман сектор раҳбарлари, вилоят бошқармалари, шаҳар ва туман ташкилотлари раҳбарлари, маҳаллий кенгаш депутатлари, Одоб-ахлоқ комиссияси аъзолари ҳамда оммавий ахборот воситалари вакиллари иштирок этди.

Янги Наманган тумани ҳокими Жобир Абдуллаев

Янги Наманган тумани ҳокими Жобир Абдуллаев
Фото: Раҳмонжон Мамадалиев

Йиғилишда Янги Наманган тумани ҳокими Жобир Абдуллаевнинг ижтимоий тармоқларда тарқалган сўкинган аудиоси муҳокама қилинди. Ҳоким мазкур аудиоёзувда тадбиркорни қўпол сўзлар билан ҳақорат қилган.

Фото: Раҳмонжон Мамадалиев

«Ҳокимнинг бу қилиғини асло оқлаб бўлмайди. Бундай мавқедаги давлат хизматчиси аслида барчага ўрнак ва намуна бўлиши керак. Жумладан, муомала, аҳоли билан муносабат борасида ҳам. Наманганликлар фарзандларини ҳам сизлаб гапиради ахир», — деди вилоят ҳокими.

Фото: Раҳмонжон Мамадалиев

Йиғилишда Жобир Абдуллаевга ҳайфсан берилиб, уч ой муддатга барча турдаги рағбатлантиришлардан маҳрум қилинди.

Шунингдек, жорий йил давомида ижтимоий тармоқларда шаҳар ва туманлар ҳокимликлари, вилоят бошқармалари, тегишли ташкилотлар раҳбарларининг хатти-ҳаракатлари бўйича ёритилган масалалар ҳам атрофлича муҳокама қилинди.

Изоҳ

Кахрамон Кобилов

03.12.2022, 22:04

факат узингники булса хайфсан бер, оддий халк булса

Асосий янгиликлар
Маҳаллий
Фото: Шавкат Мирзиёев иштирокидаги Наврўз умумхалқ байрамига бағишланган тантанали маросим
Спорт
Энг тартибли ҳимояга эга Ўзбекистон, 69 гол ва юздан ортиқ сариқ карточка. U-20 Осиё Кубоги—2023 рақамларда
Маҳаллий
Ўзбекистон Марказий Осиёда ягона тўлов тизими яратишни таклиф қилди