Бразилиянинг Жаҳон Чемпионатидаги 24 йиллик рекорди якунига етди

Бразилия терма жамоаси ЖЧ—2022 гуруҳ босқичи 3-турида Камерунга 0:1 ҳисобида мағлуб бўлди.

Шу тариқа «пентакампионлар»нинг мундиаллар гуруҳ босқичидаги 17 ўйинлик мағлубиятсиз серияси якунига етди.

Бразилия гуруҳ босқичларида 17 ўйиндан буён мағлуб бўлмасдан рекорд ўрнатган эди.

Жанубий Америка вакиллари Камерунга қадар сўнгги бор ЖЧ—1998 да Норвегияга 1:2 ҳисобида имкониятни бой берганди.