Тошкент вилояти Ангрен туманида сув истеъмолидан тушган маблағларни ўзлаштириш ҳолати аниқланди. Бу ҳақда Иқтисодий жиноятларга қарши курашиш департаменти хабар қилди.
Қайд этилишича, Бош прокуратура ҳузуридаги департаментнинг Ангрен шаҳар бўлими томонидан «Тошкент сув таъминоти» МЧЖ Ангрен шаҳар бўлимининг мурожаатига асосан терговга қадар текширув ўтказилган. Унда ушбу бўлимнинг истеъмолчиларга хизмат кўрсатиш ва сув сотиш бўлими назоратчилари Ш.Б., А.И., Г.Э., М.Ш. ва С.Қ. аҳолидан сув истеъмоли учун жами 153,5 миллион сўмни фирибгарлик йўли билан йиғиб олиб, ўз эҳтиёжларига сарфлаб юборгани аниқланган.
Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилган. Ҳозирда тергов ҳаракатлари ўтказилмоқда.
Изоҳ (0)