Украина давлат бюджети умумий жамғармасининг тақчиллиги 2022 йил ноябрда октябрь ойига нисбатан 11 фоизга ошиб, 163,3 миллиард гривнани ташкил этди. Бу ҳақда мамлакат Молия вазирлигига таяниб, хабар берди.
Ноябрь ойидаги бюджет тақчиллиги уруш бошланганидан бери энг юқори кўрсаткичга етган. Бунгача максимал кўрсаткич 2022 йил октябрь ойида қайд этилган бўлиб, ўшанда ҳақиқий камомад 143,4 миллиард гривнани ташкил қилган.
Умумий жамғарманинг ноябрдаги даромади деярли 30 фоизга ўсиб, 94,4 миллиард гривна, харажатлари эса 17 фоизга ошиб, 260,5 миллиард гривнани қайд этган. Давлат бюджетининг жами касса харажатлари октябрда 231,7 миллиардан 312,7 миллиард гривнани ташкил қилган. Йил бошидан буён давлат бюджети умумий жамғармасининг тақчиллиги эса 807,5 миллиард гривна бўлган.
Мавзуга доир: Украина 2023 йилда бюджетнинг деярли ярмини мудофаа учун ажратади
Изоҳ (0)