Бугун,

  • USD 11095.31
  • RUB 173.84
  • EUR 10772.44

Тошкент вилоятида келин оилавий келишмовчилик оқибатида қайнонасини камида 20 маротаба пичоқлади. Бу ҳақда «Миллар» дастуридаги лавҳада маълум қилинди.

Кадр: Telegram

Кадр: Telegram

Унга кўра, ушбу ҳолат юз берган хонадонда қайнона-келин чиқиша олмай қолган. Пичоқланган қайнонанинг айтишича, 9 ойдан бери келини унинг гапларига кирмай, айтган ишларини қилмай келмоқда.

Қайнона, шунингдек, ухлаб ётган пайтида келини унга 20 мартадан кўп пичоқ ургани, агар уйғонмаганида, ўлдириб кетиши мумкинлиги, айни вақтда бир қўли ишламай қолганини билдирган. Келини эса озодликда юрганини айтиб, ҳеч ким ҳолат қайта содир бўлмаслигига кафолат бера олмаслиги, уни топиб, тезроқ чора кўришни сўраган.

Хонадон вакилларидан келин нега бундай йўл тутгани ҳақида сўралганида улар орада низоли ҳолатлар содир бўлгани, келин қизлик уйига кетиб қолгани, аммо 30 октябрда унинг бувиси қайтариб келинлик уйига ташлаб кетгани маълум қилинган.

Айни вақтда мазкур ҳолат юзасидан Жиноят кодексининг 109-моддаси (қасддан баданга енгил шикаст етказиш) билан жиноят иши қўзғатилиб, тергов ҳаракатлари олиб борилмоқда. Воқеа бўйича жамоатчиликка батафсил маълумот берилиши қайд этилган.

Мавзуга доир:

Изоҳ
Асосий янгиликлар
Маҳаллий
Абдулла Арипов Шинжон-Уйғур автоном райони партия котиби билан учрашди
Туркманистон
Туркманистон Арқадағ шаҳри лойиҳасини БМТ Бош ассамблеясида тақдим этади
Крипто
Бир ҳафтада Binance криптобиржасидан 2 млрд доллардан ошиқ маблағ чиқиб кетди