28 ноябрь куни қишлоқ хўжалиги вазири ўринбосари Қаҳрамон Юлдашев Ҳиндистоннинг Махараштра штати губернаторининг маркетинг ва текстил бўйича ўринбосари Аноп Кумар билан учрашув ўтказди. Бу ҳақда ҚХВ ахборот хизмати хабар қилди.
Қайд этилишича, учрашувда қишлоқ хўжалиги соҳасида ҳамкорликни ривожлантириш, икки давлат ўртасида савдо айланмасини ошириш масалалари, шунингдек, ўзаро истиқболли инвестиция лойиҳалари бўйича таклифлар муҳокама қилинган.
Мулоқот якунига кўра, Ўзбекистондан гилос, узум каби мева маҳсулотларининг экспорт ҳажмини ошириш ҳамда Мумбай шаҳрида жойлашган пахтани қайта ишловчи йирик кластерларни мамлакат бозорига таклиф қилишга келишиб олинган.
Изоҳ (0)