Футбол бўйича ЖЧ—2022 3-турида F гуруҳининг икки ўйини 1 декабрь, пайшанба куни бўлиб ўтди.
Хорватия Бельгия билан баҳс олиб борди. Учрашувда дарвозалар дахлсизлиги сақланиб қолди. Жамоалар 1 очкодан жамғарди.
Гуруҳнинг иккинчи ўйинида Марокаш Канадага қарши майдонга тушди. Учрашувнинг 4-дақиқасида Ҳаким Зиёш дарвозабоннинг хатосидан фойдаланиб, ҳисобни очди. 23-дақиқада Юсуф эн-Несири марокашликларнинг иккинчи голига муаллифлик қилди. Биринчи бўлим сўнгида Агерд ўз дарвозасини ишғол қилди ва ҳисоб қисқаришига сабабчи бўлди. Якунда Марокаш 2:1 ҳисобида зафар қучди.
Шу тариқа F гуруҳида Марокаш 7 очко билан 1-ўринни эгаллади. Хорватия 5 очко билан 2-поғонани банд этиб, плей-оффга йўл олди. Бельгия 4 очко билан гуруҳда қолиб кетди. Канада эса бирорта ҳам очко жамғара олмасдан, сўнгги ўриндан жой олди.
ЖЧ—2022
3-тур баҳси
1 декабрь, пайшанба
Хорватия — Бельгия 0:0
Хорватия: Ливакович, Юранович, Ловрен, Гвардиол, Соса, Модрич, Ковачич (Маэр, 90), Брозович, Перишич, Крамарич (Пашалич, 64), Ливая (Петкович, 64).Бельгия: Куртуа, Мене (Азар, 87), Вертонген, Алдервейрелд, Кастань, Дендонкер (Тилеманс, 72), Витцель, де Брюйне, Карраско (Доку, 72), Мертенс (Лукаку, 46), Троссард (Азар, 59).
Огоҳлантириш: Дендонкер (66).
Канада — Марокаш 1:2
Голлар: 0:1 – 4 Зиёш, 0:2 – 23 Эн-Несири, 1:2 – 40 Агерд (автогол).Канада: Борян, Жонстон, Витория, Миллер, Адекугбе (Коне, 61), Осорио (Ларейя, 66), Кей (Ҳатчинсон, 60), Дэвис, Ҳойлетт (Уозерспун, 76), Ларин (Дэвид, 60), Бюкенен.
Марокаш: Буну, Ҳакими (Жабран, 85), Саисс, Агерд, Мазрауи, Амрабат, Сабири (Амалла, 65), Унаи (Эл-Ямик, 77), Зиёш (Амдалла, 76), Буфаль (Абухлял, 65), Эн-Несири.
Огоҳлантиишлар: Ҳойлетт (7), Осорио (27), Адекугбе (45), Витория (84).
Изоҳ (0)