Эронда мамлакат терма жамоасининг ЖЧдаги мағлубиятини нишонлаган йигит отиб ўлдирилди
Эронда хавфсизлик кучлари мамлакат терма жамоасининг Жаҳон чемпионатидаги мағлубиятини нишонлаган йигитни отиб ўлдирди. Бу ҳақда Al-Arabia хабар берди.
Марҳум Меҳран Самак 27 ёшда бўлиб, Бандар Анзалий шаҳрида Эрон терма жамоасининг мағлубияти ва жаҳон чемпионатидан четлатилганини нишонлаётган йиғинда хавфсизлик кучлари томонидан бошига ўқ узиб ўлдирилган. Эрон адлия идораси Самакнинг ўлимини тасдиқлаб, у АҚШ ва Эрон ўйинидан кейин қушни отиш жараёнида ўқ тегиб, вафот этганини маълум қилди.
«Ушбу шубҳали воқеа содир бўлиши биланоқ бу масала бўйича суд иши очилди ва уни шаҳар прокурори кўриб чиқмоқда», —дейилади хабарда.
28 ноябрь куни АҚШ Эронни 1:0 ҳисобида мағлуб этган. Эронликлар 29 ноябрь куни эрта тонгда Эрон жамоасининг мағлубиятини нишонлаш учун кўчаларга чиққан. Мамлакатда давом этаётган норозилик намойишлари фонида кўплаб эронликлар ўз миллий футбол жамоасига қарши чиққан. Улар жамоани Эрон халқидан кўра режим вакили сифатида кўришади.
Мавзуга доир:
- Эронда Исроил разведкасига алоқадор тўрт киши ўлимга ҳукм қилинди
- Эронда намойишлар ортидан олтинчи одам ўлимга ҳукм қилинди
