Европа Иттифоқида инфляция 10 фоизгача пасайди

Европа Иттифоқи Статистика бошқармасининг дастлабки маълумотларига кўра, ноябрь ойида минтақада истеъмол нархлари йиллик ҳисобда 10 фоизга тушди. Инфляция октябрь ойидаги 10,6 фоизга нисбатан секинлашди. Бу ҳақда Bloomberg хабар бермоқда.

Европа мамлакатлари орасида энг юқори инфляция даражаси Латвия (12,7 фоиз), Италия (12,5 фоиз), Эстония ва Литвада (21,4 фоиз) қайд этилган. Испанияда энг паст инфляция даражаси (6,6 фоиз).

Март ойидан бери Еврозона инфляцияси ортиб бормоқда. Октябрь ойида у тарихий энг юқори даражага етди ва йилига 10,7 фоизга тезлашди.

Мамлакатларда энергия ресурслари нархларининг ўсиши октябрь ойидаги 41,5 фоиздан 34,9 фоизга, хизматлар нархи 4,3 фоиздан 4,2 фоизгача секинлашди. Шу билан бирга, озиқ-овқат, алкоголь ва тамаки 13,6 фоизга қимматлашган, бир ой аввал эса ўсиш 13,1 фоизни ташкил қилган. Саноат товарлари нархи ўтган ойга нисбатан 6,1 фоизга ошди.

Ойлик ҳисобда евроҳудуддаги истеъмол нархлари 0,1 фоизга тушиб, ўтган йилнинг июль ойидан бери биринчи марта салбий тенденцияни кўрсатди. Октябрь ойида бу кўрсаткич 1,5 фоизга ошган.

Аввалроқ октябрь ойида ўзбекистонликлар сезган инфляция даражаси маълум қилингани ҳақида хабар берилганди.