Ўзбекистон ва Жанубий Корея ўртасидаги ташқи меҳнат миграцияси соҳасидаги ҳамкорлик янада чуқурлаштирилиб, миграция соҳасидаги муносабатлар кенгайтирилади, деб хабар бермоқда Адлия вазирлиги матбуот хизмати.
Ушбу масала Ўзбекистон адлия вазири Акбар Ташқулов ҳамда бандлик ва меҳнат муносабатлари вазири Нозим Ҳусанов бошчилигидаги Ўзбекистон делегациясининг Жанубий Кореяга амалий сафари давомида кўриб чиқилган.
Ўзбекистон вакиллари Жанубий Корея адлия вазири Хан Донг Хун ва Корея иммиграция хизмати комиссари Лее Жае Ю билан учрашув ўтказган.
Мулоқот чоғида ишчиларни Э-8 визаси асосида ишга ёллаш, Ўзбекистон фуқароларини Жанубий Кореяга кириб бориши тизими, меҳнат визалари асосида турли соҳаларга ишга жалб қилиш билан боғлиқ масалалар ҳам атрофлича муҳокама қилинган.
Изоҳ (0)