Бугун,

  • USD 11095.31
  • RUB 173.84
  • EUR 10772.44

Божхоначилар томонидан 2022 йилнинг ўтган даврида Ўзбекистонда ноқонуний тамаки маҳсулотлари айланмасига оид 314 та ҳуқуқбузарлик ҳолатлари аниқланган. Натижада умумий қиймати 19 миллиард 200 миллион сўмлик 1 миллион 578 минг 346 қути ноқонуний тамаки маҳсулотлари ушлаб қолинган.

Аниқланган ҳолатларининг 71 таси бўйича жиноят ишлари қўзғатилган. 2021 йилнинг шу даврида эса 128 та шундай ҳолат аниқланган ва 17 миллиард 500 миллион сўмлик 1 миллион 449 минг 305 қути ноқонуний тамаки маҳсулотлари муомаласига чек қўйилган.

Давлат божхона қўмитаси бошқарма бошлиғи Акромжон Аҳлимирзаев «Дарё»га берган интервьюсида республиканинг қайси ҳудудларидан контрабанда тамаки маҳсулотларини олиб ўтишга уринишлар кўп учраётгани ҳақида маълумот берди.

Акромжон Аҳлимирзаев

Акромжон Аҳлимирзаев
Фото: «Дарё»
Ноқонуний тамаки маҳсулотларининг мамлакатга кириб келиш схемаларига тўхталсак, бу ҳолат асосан, водий вилоятлари, хусусан кўп ҳолатларда Наманган ва Фарғона вилоятларида учрамоқда. Шу билан бирга, Тошкент вилоятининг анклав ёки сувли ҳудудлари бор. Ўша чегараларнинг ўтиш қийин бўлган соҳаларидан ҳам ноқонуний ўтказишга бўлган уринишлар мавжуд. Бундан ташқари, бевосита божхона постлари орқали ҳам олиб ўтишга уриниш ҳолатлари учраб турибди. Айниқса, чегарадош ва симтўсиқлар ўрнатилган ҳудудлардан олиб ўтишга уринишлар энг кўп учрайдиган ҳолатлардир.
Маълумотларга кўра, Ўзбекистон ҳудудига кириб келадиган ноқонуний тамаки маҳсулотларнинг катта қисми БАА ва Корея ҳиссасига тўғри келмоқда. Умуман олганда, 2021 йилнинг мос даврига нисбатан таққослаганда, мусодара қилинган ноқонуний тамаки маҳсулотлари ҳажми жорий йилда 9 фоизга кўпайган. Бу давлат иқтисодиётига солиқ ва бож тўламаслик оқибатида етказилаётган зарар билан бирга, сифати кафолатланмаган маҳсулотларни одамлар соғлиғига бўлаётган хавфи ҳам ортиб бораётганини англатади. Муаммони бартараф этиш учун эса нафақат божхона ёки бошқа давлат органлари, балки жамоатчилик назорати ҳам муҳим аҳамият касб этмоқда.

Изоҳ
Асосий янгиликлар
Дунё
Британия ҳукумати “Вагнер”ни террорчи ташкилот деб эълон қилмоқчи — The Telegraph
Дунё
АҚШда хавфли моддаларни олиб кетаётган юк поезди релсдан чиқиб кетди (видео)
Маҳаллий
Ўзбекистонда келаётган ҳафта бошида қандай об-ҳаво бўлади?