Ҳаммомда тозаликни сақлаш катта куч талаб қилади — қувурларнинг тиқилиб қолиши, ваннанинг сарғайиши. Ушбу муаммоларнинг тез ва самарали ечими бор ва уларга кўп пул сарфлаш шарт эмас, деб ёзади «Новий очаг».
Ойнадаги буғ доғлари
Уй шароитида тайёрланадиган аралашмалар ҳам қимматбаҳо шиша тозалагичлар каби ойнадаги доғларни тозалаш вазифасини бажаради. Бунинг учун водород перекис ва истеъмол содаси тенг қисмларда аралаштирилади, эритма ойнага қўлланади ва тоза мато билан яхшилаб артиб олинади. Ёки соқол олингандан кейин терига суртиладиган кремдан ҳам ишлатиш мумкин. Бу нафақат кўзгуларни порлатади, балки кейинги сафар иссиқ душ қабул қилганда буғнинг оқишини ҳам олдини олади.
Ванна
Ваннани дезинфекциялаш ва уни доғлардан тозалаш учун 0,5 стакан сирка, 1 стакан спирт ва 0,25 стакан сув аралаштирилади. Олинган аралашма бир литр илиқ сувда суюлтирилади. Эритма ваннанинг бутун юзасига сепилади, 15 дақиқага қолдириб, кейин яхшилаб ювиб ташланади.
Унитаз
Унитазни тозалаш учун оғиз чайиш воситаси ёки тиш пастаси билан сувдан фойдаланиш мумкин. Уни унитаз юзасига қўллаш ва 30 дақиқага қолдириш лозим, кейин чўтка билан яхшилаб ишқаланади ва сув билан ювилади.
Кафел
Кафеллардан доғлар ва сув буғлари изини суюқ оқартирувчи, оғиз ювиш воситаси ёки тиш пастасига ботирилган мато билан артиб, осонгина тозалаб олиш мумкин. Бундай тозалашдан сўнг кафел янги ҳолатга қайтади.
Занг
Зангдан қутулиш сиз ўйлагандан ҳам кўра осонроқ. Шунчаки зарарланган жойларга туз сепилади, кейин лимон шарбатини сиқиб олинади. Кислота зангни эритишга ёрдам беради, туз эса кирни ўзлаштиради. Восита бир кечага қолдирилади, эрталаб эса сирт сув билан яхшилаб ювиб ташланади.
Шифт
Ҳаммом шифтини чанг ва доғлардан тозалаш учун сирка ва илиқ сув 1: 1 нисбатда аралаштирилади. Эритмани мато билан қўлланади ва сирт енгил артиб олинади. Тозалашдан олдин кўзойнак тақишни унутмаслик керак.
Душ пардаси
Хлорни ўз ичига олган 500 мл универсал ювиш воситаси ва 2 чой қошиқ идиш ювиш воситаси аралаштирилади. Аралашма парданинг бутун юзасига қўлланади, бир неча дақиқа кутилади ва сув билан ювилади. Натижада парда янги ҳолатига қайтади.
Моғор
Ҳаммомда моғор пайдо бўлиши табиий ҳолат. Моғор босган жойларни оқартирувчи эритма билан тозалаш мумкин (1:10 нисбатда). Замбуруғ ўсишини аммиак ва сирка 1: 1 аралашмаси билан ҳам кетказиш усули бор. У қаттиқ чўтка билан муаммоли жойларга қўлланади, 15 дақиқага қолдирилади ва кейин сода эритмаси билан ювилади.
Изоҳ (0)