Мажбурий ижро бюросининг «Дарё»га маълум қилишича, Фарғона вилоятида ота алимент пуллари ўрнига савдо дўконини совға қилди.
Қайд этилишича, фуқаролик ишлари бўйича Фарғона туманлараро судининг 2018 йилдаги суд буйруғига асосан қарздор I.Мақсудовдан ундирувчи Д.Маҳсудова фойдасига 1/2 қисм миқдорида алимент ундириш тўғрисидаги ижро ҳужжати бўлим иш юритувига 2021 йилда келиб тушган ва ижро иши қўзғатилган.
Мажбурий ижро бюросининг Фарғона шаҳри бўлими ходимлари томонидан олиб борилган ҳуқуқий тушунтиришлар натижасида қарздор ота ўз фарзандлари олдидаги мажбуриятини тўғри тушуниб, болаларининг таъминоти учун ўз ихтиёри билан вояга етмаган фарзандларига Фарғона шаҳри «Нодирабегим» МФЙда жойлашган савдо дўкони ундирувчи билан келишган ҳолда Ж.Носированинг номига ўтказиб берилди.
Мавзуга доир:
Изоҳ (0)