Бугун,

  • USD 11095.31
  • RUB 173.84
  • EUR 10772.44

Чеченистон раҳбари Рамзан Қодировнинг қизи — Грозний мэриясининг мактабгача таълим бўлими бошлиғи Хадижат Қодирова Аҳмат Қодиров номидаги орден билан тақдирланди. Бу ҳақда миллий сиёсат вазири Аҳмед Дудаев маълум қилди.

Хадижат ва Рамзан Қодировлар

Хадижат ва Рамзан Қодировлар
Фото: Telegram / @akhmeddudaev

«Чеченистон Республикасининг биринчи президенти, Россия Қаҳрамони Аҳмат Ҳожи Қодировнинг невараси, Грозний мэрияси мактабгача таълим департаменти бошлиғи Хадижат Қодировани чин кўнгилдан табриклайман! Унга Чеченистон Республикасининг олий мукофоти — Қодиров ордени берилди!» — деб ёзди Дудаев.

Дудаев қайд этишича, қисқа вақт ичида Рамзан Қодировнинг қизи ўзини «истеъдодли бошқарувчи» сифатида кўрсатган ва «унга ишониб топширилган ташкилот фаолиятини янги даражага кўтарган».

Аҳмат Қодиров ордени давлат ва жамоатчилик арбобларига Чеченистон давлатчилигини ривожлантириш билан боғлиқ алоҳида хизматлари ёки меҳнатдаги ютуқлари эвазига берилади.

Хадижат Қодирова 2021 йил декабрида «Чеченистон Республикаси олдидаги хизматлари учун» медалини қўлга киритганди. Унгача бир йил давомида мактабгача таълим бўлими бошлиғи бўлиб ишлаган. Ундан аввал эса Қодирова болалар боғчаси мудираси бўлган. Қиз ҳозир 22 ёшда.

Рамзан Қодировнинг катта қизи Айшат республика Маданият вазирлиги раҳбари бўлиб, 2021 йил декабрида «Инсон ҳуқуқларини ҳимоя қилганлик учун» медали билан тақдирланганди. Уч кун ўтиб эса, унга «Чеченистон Республикасида хизмат кўрсатган маданият ходими» унвони берилган. Айшат Қодирова ҳозир 23 ёшда.

Рамзан Қодировнинг учинчи қизи — 19 ёшли Хутмат Қодирова Республика раҳбари котибиятида бошлиқ ўринбосари бўлиб ишлайди.

Изоҳ
Асосий янгиликлар
Дунё
Тожикистонда музликлар эриши тезлашди. Бу музликлар деярли бутун Марказий Осиёни чучук сув билан таъминлайди
Маҳаллий
Россияда содир бўлган ЙТҲда бир нафар ўзбекистонлик ҳалок бўлди, яна тўрт киши жароҳат олди
Дунё
Зеленский Путиннинг ҳибсга олинишига берилган ордерни “бурилиш нуқтаси” деб атади