Кевин де Брюйне, Эден Азар ва Ян Вертонген ўртасида Марокашга қарши баҳсдан сўнг зиддият келиб чиққан

Бельгия терма жамоаси футболчилари Марокашга қарши баҳсдан сўнг (0:2) ўзаро зиддиятга борган.

ЖЧ—2022 гуруҳ босқичи 2-туридан сўнг кийим алмаштириш хонасида Кевин де Брюйне, Эден Азар ва Ян Вертонгенлар ўртасида можаро келиб чиққан.

L’Equipe нашрининг хабарига кўра, Азар ҳимоячилар секин ўйнаганидан шикоят қилиб, Вертонгенга бақирган.

Ромелу Лукаку эса жамоадошларини тинчлантириш учун вазиятга аралашишга мажбур бўлган.

Бельгия терма жамоасида ички муҳит яхшимаслиги ҳақида аввал ҳам хабар берилган. Кевин де Брюйне жамоадошлари Тибо Куртуа, Эден Азар ва Леандро Троссард билан бир неча йилдан буён гаплашмайди. Ромелу Лукаку ва Миши Бацҳуайи ўртасида ҳам низо мавжуд.

Бельгия гуруҳ босқичининг 3-турида Хорватияга қарши майдонга тушади. Учрашув 1 декабрь куни 20:00 да старт олади.