Бугун,

  • USD 11095.31
  • RUB 173.84
  • EUR 10772.44

Хоразм вилояти Янгиариқ туман ИИБ ходими У.Р. ўз жонига қасд қилди. Бу ҳақда вилоят прокуратураси матбуот хизмати хабар берди.

Қайд этилишича, у 26 ноябрь куни туман ИИБ биносида хизмат қуроли орқали ўз жонига қасд қилган. Дастлабки маълумотларга кўра, ИИБ ходимининг ўз жонига қасд қилишига оилавий келишмовчилик оқибатида келиб чиққан руҳий сиқилиш сабаб бўлган.

Бош прокуратура матбуот хизматининг «Дарё» сўрови бўйича маълум қилишича, у 26 ноябрь куни соат 08:50 ларда туман ИИБ биносининг навбатчилик қисми хонасининг махсус воситаларни сақлаш хонасида навбатчи Р.Ю.га бириктирилган «ПМ» пистолети билан ўзининг қорин ва бош қисмига отган.

Ходим Янгиариқ туман тиббиёт бирлашмасига олиб келинган ва кўрсатилган тиббий ёрдамга қарамасдан вафот этган. Суд-тиббий экспертининг дастлабки маълумотига кўра, ходимнинг ўлимига олган тан жароҳати оқибатида юзага келган ички ва ташқи қон кетиш сабаб бўлган.

Дастлабки маълумотларга кўра, У.Р.нинг ўз жонига қасд қилишига оилавий келишмовчилик, хусусан турмуш ўртоғининг 2 ой аввал фарзандларини олиб отасининг уйига кетиб қолгани оқибатида келиб чиққан руҳий сиқилиш сабаб бўлган.

Ҳолат юзасидан Янгиариқ туман прокуратураси томонидан терговга қадар текширув ҳаракатлари олиб борилмоқда. Текширув вилоят прокуратураси томонидан назоратга олинган.

Изоҳ
Асосий янгиликлар
Маҳаллий
Қўшимча талаб этиладиган 37,5 минг тонна пиёз 1 апрелга қадар ички бозорларга киритилади
Маҳаллий
“YouTube’даги обуначиларимиз сони МДҲ мамлакатлари ИИВ каналлариникидан ҳам кўп” — Шоҳрух Ғиёсов ИИВнинг медиамакондаги фаолияти ҳақида гапирди
Маҳаллий
Тошкентда йўловчи автобус ёниб кетди