Сомалида жангарилар президент саройи яқинидаги меҳмонхонага ҳужум қилди, 10 киши ҳалок бўлди

Сомали пойтахти Могадишода жангарилар ҳукумат амалдорлари жойлашган меҳмонхонага ҳужум қилди, деб хабар бермоқда Deutsche Welle.

https://twitter.com/AbdirisakUrug/status/1596997234826317825

Ҳужум учун жавобгарликни мамлакатнинг катта қисмини назорат қилаётган «Аш-Шабаб» ўз зиммасига олди. Гуруҳ «Ал-Қоида» билан алоқадор.

Май ойида сайланган президент Ҳасан Шайх Маҳмуд жангарилар гуруҳига қарши «тўлиқ уруш» эълон қилганди, шундан сўнг «Аш-Шабаб» ҳужумлари кучайди.

26 ноябрга ўтар кечаси Сомали ҳукумати кучлари мамлакатнинг марказий қисмида кенг кўламли операция ўтказди, натижада «Аш-Шабаб»нинг 100 нафар аъзоси йўқ қилинди.

Август ойида жангарилар Сомали пойтахтидаги Ҳаят меҳмонхонасига бостириб кирганди, оқибатда камида 30 киши ҳалок бўлган, ўнлаб одамлар яраланган.