Бугун,

  • USD 11095.31
  • RUB 173.84
  • EUR 10772.44

Қашқадарё вилояти Қамаши туманида 22 ноябрь куни аянчли йўл-транспорт ҳодисаси содир бўлди, деб хабар бермоқда маҳаллий Nasafnews нашри.

Фото: Nasafnews

Фото: Nasafnews

Қайд этилишича, Узун қишлоғидан ўтган марказий йўлда юз берган. Қишлоқда жойлашган 64-мактабнинг 3-синф ўқувчси С.Қ. (2013 йилда туғилган) мактабга бораётган вақтда марказий йўлда пиёдалар ўтиш жойидан ўтишга уринган. Қизалоққа бошқа ҳайдовчилар йўл берган, аммо катта тезликда ҳаракатланган «КамАЗ» уни уриб юбориб, 10 метр масофагача бўлган жойга судраб борган. Воқеа оқибатида қиз вафот этган.

«9 ёшли қизим ўпкасини боса олмайдиган ҳайдовчи деб вафот этди. Воқеа шу даражада аянчли бўлганки, қизимни ‘КамАЗ’ уриб кетиб, яна босиб ҳаракатланган. Бошқа ҳайдовчилар ‘пешеход’дан ўтаётган қизимга йўл берган. Аммо юк машинаси юқори тезликда келган», — дейди қизнинг отаси.

Фото: Nasafnews

Фото: Nasafnews

22 ноябрь куни содир бўлган ушбу ЙТҲ пиёдалар ўтиш жойи яқинида жойлашган савдо дўконининг кузатув камерасига қисман тушиб қолган. Видеоёзувларда КамАЗ юқори тезликда ҳаракатланганини кўриш мумкин.

Ҳозирда ҳолат юзасидан ҳуқуқни муҳофаза қилувчи органлар томонидан тергов ҳаракатлари амалга оширилмоқда.

Изоҳ
Асосий янгиликлар
Маҳаллий
Бухорода бир қанча оилавий боғчалар фаолияти вақтинча тўхтатилди 
Маҳаллий
Германияда авиация ходимлари иш ташлаши туфайли Uzbekistan Airways Франкфуртга парвозни бекор қилди
Бизнес
Марказий Осиёда Россиянинг кўчмас мулк бозорига қизиқиш ортиб бормоқда