Қиролича Елизавета II саратон сабабли вафот этгани маълум қилинди
Буюк Британия қироличаси Елизавета II ҳаётининг сўнгги йилларида саратон касаллиги билан курашди. Бу ҳақда қироллик биографи, шаҳзода Филиппнинг яқин дўсти Жайилс Брандретга таяниб, Independent хабар берди.
Елизавета II нинг ўлими сабаби «кексалик» сифатида кўрсатилганига қарамай, Брандрет аслида монархнинг ҳаётига суяк илиги саратонининг кам учрайдиган шакли сабаб бўлганини айтди.
«Бу ташхис унинг тез чарчаши, вазн йўқотиши ва ҳаётининг сўнгги йилида ҳаракатланиши билан боғлиқ муаммолардан дарак беради», — дейди биограф.
Брандретнинг таъкидлашича, касалликнинг энг кўп учрайдиган аломати айниқса тос ва белда юзага келадиган суяк оғриғи ҳисобланади. Симптомларнинг оғир кечишини камайтирадиган ва ҳаётни 2-3 йилга узайтирадиган махсус терапия мавжудлиги қайд этилган.
Эслатиб ўтамиз, Британия қироличаси Елизавета II 2022 йил 8 сентябрь куни 96 ёшида Шотландиядаги Балморал қасридаги қароргоҳида вафот этди. Қиролича вафотидан кейин унинг тўнғич ўғли Чарльз қонун бўйича янги монарх бўлди.
Мавзуга доир:
- Нима учун Елизавета II ўз ўлимига ёшлигидан тайёргарлик кўра бошлаган?
- Елизавета II нинг узоқ умр кўриш сирлари ҳақида мақола чоп этилди
- Елизавета II нинг вафотидан кейин ҳиндистонликлар «Кўҳинур» олмосини қайтаришни талаб қилди
