Истанбулда 24—26 ноябрь кунлари Бутунжаҳон ҳалол саммити доирасида ўтказилган ҳалол таомлар чемпионатида Ўзбекистон ошпазлари совринли ўринларни эгаллади.
Туризм ва маданий мерос вазирлиги маълумотига кўра, мазкур чемпионатда Ўзбекистон Ошпазлар уюшмаси жамоаси иккита кумуш ва битта бронза медалларини қўлга киритди.
Хусусан, Абу Ҳурайра Тўйчихўжаев «Замонавий ошхона — гўштли таом» ва «Балиқли таом» номинациялари бўйича иккита кумуш, Элёрбек Мирбабоев «Замонавий ошхона – гўштли таом» номинациясида кумуш ва Шоҳрузхон Ибрагимов «Балиқли таом» номинациясида бронза медалларини қўлга киритган.
Саммитда 80 та давлатдан делегатлар ва меҳмонлар иштирок этган бўлиб, у Туркия президенти ҳомийлигида, Ислом савдосини ривожлантириш маркази (ISDT) ва Ислом мамлакатлари стандартлаштириш ва метрология институти (SMIIC), шунингдек, Бутунжаҳон Ислом пазандачилик платформаси (WICS) кўмагида ўтказилган.
Изоҳ (0)