Жаҳон банки Украинага давлат хизматчиларининг маоши учун 60 миллион доллар ўтказди

Жаҳон банки давлат идоралари ва таълим муассасалари ходимларига маош тўлаш учун Украинага 60 миллион доллар ўтказди. Бу «Укринформ» агентлигига таяниб, «ТАСС» хабар берди.

Маълумотларга кўра, бу маблағ Украина бюджетига 22 ноябрь куни келиб тушган. 50 миллион доллари Халқаро тараққиёт ассоциацияси, яна 10 миллион доллари Латвия томонидан имтиёзли шартлар асосида тақдим этилди.

Украина Миллий банки маълумотларига кўра, мамлакатга ХВЖ, Европа Иттифоқи, Европа инвестиция банки, Жаҳон банки ва хорижий ҳукуматлар орқали кўрсатилган ҳамда ваъда қилинган молиявий ёрдамнинг умумий ҳажми қарийб 30 миллиард долларга баҳоланмоқда.

Хусусан, АҚШ Украинага 20 миллиард доллардан ортиқ ҳарбий ёрдам кўрсатди.

Ҳозирги вақтгача Украинага 20 миллиард доллардан ортиқ ёрдам бердик. Баёнотларимизни эшитгансиз: Биз Украинани қанча керак бўлса, шунча вақт қўллаб-қувватлашда давом этамиз», — деди Пентагон раҳбари.

Остиннинг сўзларига кўра, НАТО ва бошқа давлатлар Украинага, жумладан, Ғарб давлатларининг алоқа гуруҳи воситачилигида фаол ёрдам бермоқда.

Аввалроқ Европа Иттифоқи Украинага 18 млрд евро молиявий ёрдам бермоқчилиги ҳақида хабар берилганди.