Сувни қайта қайнатиш уни зарарли қилиши мумкин, деган қарашлар мавжуд. Чунки қайнаган сувнинг бир қисми буғланади ва қолган суюқлик кўпроқ концентрацияланади, деб ёзади Lifehacker.
Сувда нитрат ёки оғир металлар бўлса, биринчи қайнатилгандан кейин улар кўпаяди. Агар ушбу жараён кўп марта такрорланса, уларнинг концентрацияси хавфли қийматларга етиб бориши ва вақт ўтиши билан касалликка олиб келиши мумкин. Масалан, нитратлар ва оғир металлар эса заҳарланишга олиб келади.
Яна бир салбий томони шундаки, бу сувнинг қаттиқлиги билан боғлиқ. Ушбу кўрсаткич металл ионларининг, асосан кальций ва магнийнинг таркибини акс эттиради. Қаттиқликнинг ошиши соғлиққа салбий таъсир кўрсатиши мумкин, масалан, буйрак ва ўт пуфагида тош пайдо бўлиш хавфини оширади.
Бироқ тахминларнинг ҳеч бири илмий далиллар билан тасдиқланмаган. Бундан ташқари, ушбу машҳур фикрларни рад этадиган тадқиқотлар ҳам мавжуд. Хитойда олиб борилган тадқиқотда сувни такрорий ва узоқ қайнатиш минерал тузлар, нитратлар ва оғир металларнинг концентрациясини оширадими ёки йўқлиги текширилди.
Тажриба учун иккита режим ишлатилган. Биринчисида 15 литр сув очиқ идишда қайнатилган, ҳарорат 3 дақиқа ушлаб турилган ва кейин 25 даражага қадар совитилган.
Иккинчи режимда қайнатиш тахминан 6 соат тўхтамасдан давом этди ва ҳар 20-25 дақиқада олимлар суюқлик таркибини таҳлил қилиш учун 500 млдан олди. Бу идиш қуригунча давом этди. Экспериментдан олдин ҳам олимлар сув намуналарини олиб, уни 44 мезон бўйича баҳолади.
Маълум бўлишича, узоқ ёки такрорий қайнатишга қарамай, суюқлик сифатининг барча кўрсаткичлари pH дан ташқари меъёрда қолган. Баланс ишқорий томонга керак бўлгандан бироз кўпроқ ўтган.
Шунингдек, қайнатиш жараёнида қаттиқ эриган моддаларнинг умумий сони, калий, магний, хлор ва нитратлар миқдори ошган. Бироқ бу кўрсаткичларнинг барчаси рухсат этилган чегаралар бўлиб, ҳатто 15 литрли идиш деярли бўш бўлса ҳам уй шароитида камдан‑кам учрайди.
Қаттиқ сув зарар етказиши мумкинми?
Жаҳон соғлиқни сақлаш ташкилоти (ЖССТ) қаттиқ сувнинг ножўя таъсири номаълум эканини таъкидламоқда. Бундан ташқари у қўшимча кальций ва магний билан таъминлаши мумкин.
Шунинг учун қаттиқ сувни яна қайнатиш минерал тузлар миқдорини кўпайтирса ҳам, бу соғлиққа зарар етказиши эҳтимолдан йироқ эмас.
Нитратларга келсак, ушбу азотли бирикманинг 2 дан 9 г гача истеъмол қилиш орқали метгемоглобинемия — қонда кислород ташимайдиган фойдасиз гемоглобин кўпаядиган ҳолат юзага келиши мумкинлиги ҳақида далиллар мавжуд.
Агар жуда хавотирда бўлсангиз, шунчаки фильтр сотиб олинг, сўнгра тозаланган сувни хоҳлаганча қайнатиб олиш мумкин.
Изоҳ (0)