Японияда асосий истеъмол инфляцияси октябрь ойида 3,6 фоизга ўсди, бу 40 йилдаги энг юқори кўрсаткичдир. Бу ҳақда ҳукумат маълумотларига таяниб, Kyodo агентлиги хабар бермоқда.
Мамлакатдаги инфляция Япония Марказий банкининг 2 фоизлик мақсадли кўрсаткичидан ошиб кетди. Одатда Япнияда инфляция ўрнига дефляция кузатилади.
Нархларнинг ошиши кетма-кет 14 ой давом этмоқда. Бунга энергия нархининг ошиши ва Япония миллий валютасининг рекорд даражадаги паст курси сабаб бўлмоқда. Иена курси 32 йиллик энг паст даражага тушиб кетди.
Шу билан бирга, Япония банки раҳбари Харухико Курода инфляция барқарор бўлмайди ва шунинг учун пул-кредит сиёсатини зудлик билан ўзгартиришни талаб қилмайди, деб ҳисоблайди.
Импорт қилинган хом ашё нархлари ошиб бораётган бир пайтда, паст иена курси иқтисодиёт учун ноқулайдир.
Сентябрь ойида мамлакатда инфляция даражаси 3 фоизга етганди.
Изоҳ (0)