Хитой шимолидаги Ички Мўғулистон ҳудудида юзлаб қўйлар 12 кундан бери доира ҳосил қилиб айланмоқда. Кузатув камерасига тушган ғалати манзарада фермадаги катта сурувнинг соат йўналиши бўйича тўхтамай юраётганини кўриш мумкин. Улар ҳатто ухлаш учун тин олмаяпти.
Қўйлардан бир қанчаси айланмани четдан томоша қилса, бошқалари марказда ҳаракатсиз турибди.
Ушбу ғалати манзара видеоси Хитойнинг People’s Daily давлат нашри томонидан Twitter’га жойлаштирилди. Унда айтилишича, қўйлар соғлом аммо уларнинг хатти-ҳаракати сабаби сирлигича қолмоқда.
Қўйларнинг эгаси Мс.Миаоннг сўзларига кўра, томошани аввал бир неча қўй бошлаган, сўнг уларга бутун сурув қўшилган. Фермер хўжалигида 34 та қўйхона мавжуд бўлса-да, улардан фақат биттаси — 13-сонли қўрадаги қўйлар шундай ҳаракатланмоқда.
Улар 4 ноябрдан бери доира атрофида айланмоқда.
Баъзилар жониворларнинг бундай хатти-ҳаракатига Listeriosis деб аталадиган бактериал касаллик сабаб бўлганини тахмин қилди, бу «айлана касаллиги» деб ҳам аталади.
Изоҳ (0)