Туркиянинг Истанбул шаҳри Бейўғлу Истиқлол кўчасида 13 ноябрь куни портлаш содир бўлди. Бу ҳақда CNN Turk хабар берди.
Маълум қилинишича, воқеа жойига кўплаб полиция, ўт ўчирувчилар ва тиббий гуруҳлар юборилди. CNN Turk мухбири 11 кишининг жароҳатланганини маълум қилди. Портлаш сабаблари ҳақида ҳозирча расмий баёнот берилмаган. Ҳодиса оқибатида ҳалок бўлганлар сони ҳозирча тўрт кишини ташкил қилмоқда.
Таъкидланишича, Россия Бош консуллиги портлаш юз берган кўчада, бироқ узоқроқда жойлашган. Воқеа жойига ҳарбий машиналар ҳам жалб қилинган. Портлаш террорчи худкуш томонидан содир этилгани айтилмоқда.
Изоҳ (0)