Самарқaндда ўтказилган Туркий давлатлар ташкилоти биринчи саммити давомида Туркманистон Миллий кенгаши халқ маслаҳати раиси Гурбангули Бердимуҳамедов нутқ сўзлади.
Унинг сўзларига кўра, Туркий давлатлар ташкилоти доирасида халқаро инсонпарварлик ўналишидаги ҳамкорликка эътибор бериш лозим.
Биз мусулмон мамлакатларга келаётган ёки чиқиб кетаётган қочоқларга кўмак беришимиз зарур. Дунёда кечаётган мураккаб жараёнлар айнан халқларимиз орасидаги дўстликни ривожлантиришимизни талаб қилади. Шунингдек, маданият йўналишидаги ҳамкорликка ҳам аҳамият беришимиз керак. Биз даҳо аждодларимизни дунёга танитиш, тарғиб қилишимиз керак.
Биз 2024 йилни буюк шоир Maxтумқули йили деб эълон қилишни режалаштирганмиз. Биз шу йилда айнан улуғ мутафаккир таваллудининг 300 йиллигини нишонлаймиз. Ушбу тадбирларда барчангиз фаол иштирок этасиз, деб ишонаман.
Бизнинг мамлакатимиз 2025 йилни БМТ томонидан Тинчлик ва ўзаро ишонч йили деб номлаш таклифини илгари сурди. Бизнинг ана шу таклифимизни қўллаб-қувватласангиз барчангиздан миннатдор бўламиз. Бу жуда муҳим. Бу орқали халқаро терроризм, экстремизм, кибержиноятларга қарши курашишимиз мумкин. Туркий давлатлар ҳам ушбу муаммоларни бевосита бошдан кечиряпти ва барчангиз бу таклифимизни қўллаб-қувватлайсиз, деб ишонаман.
Хусусан, Афғонистон билан боғлиқ масалани ҳамкорликда ҳал қилишимиз керак. Чунки ТДTга аъзо мамлакатларнинг айримлари бу давлат билан қўшни ҳисобланади. Шу боис бу давлатда бўлаётган воқеалар бу давлатлар учун катта аҳамиятга эга, — дейди Бердимуҳамедов.
Мавзуга доир: Шавкат Мирзиёев ва Гурбангули Бердимуҳамедов ТDT саммитининг асосий натижалари юзасидан фикр алмашди
Изоҳ (0)