Россиядан Ўзбекистонга пул оқими икки баробарга кўпайгани маълум қилинди

Россиядан Ўзбекистонга пул ўтказмалари йилига икки баравардан кўпроққа ошиб, 2022 йилнинг биринчи 9 ойида 10,7 млрд долларни ташкил этди. Бу ҳақда Молия вазири ўринбосари Одилбек Исоқовга таяниб Reuters хабар бермоқда. 

Худди шу даврда Марказий Осиёнинг энг кўп аҳолиси бўлган давлати (Ўзбекистон) Украинадаги уруш таъсирини қоплаш учун бюджет тақчиллигини 1,3 миллиард долларга ёки ялпи ички маҳсулотнинг 1 фоизига оширди, — дейди Одилбек Исоқов.

Бундан ташқари Молия вазири ўринбосари авваллари нақд доллар кўринишида пул ўтказган мева сотувчилари каби кўплаб кичик ўзбек экспортчилари ўз даромадларини Ўзбекистонга қайтариш учун пул ўтказмаларига ўтишганини таъкидлаган. 

Ўзбекистонда умумий пул ўтказмалари 2022 йилнинг 9 ойида 2,2 баробарга ошиб, 12,6 млрд долларни ташкил қилган.

2022 йилнинг дастлабки 6 ойида Ўзбекистонга 6,54 млрд долларлик пул ўтказмалари келиб тушган эди. Ўша пайтда ҳам ўсиш кўрсаткичи 2,2 баробар бўлган.

Учинчи чоракнинг ўзида пул ўтказмалари деярли аввалги икки чоракнинг кўрсаткичи билан бир хил бўлди — 6 млрд доллар.