Ҳаммаси смартфон туфайли: 3000 йилга келиб одамлар қандай кўринишда бўлади?

Американинг TollFreeForwarding.com технологик компанияси илмий изланишлар ва эксперт хулосаларини тўплаганидан сўнг Миндй исмли келажак одамининг 3D моделини яратди.

Миндй 3000 йилга келиб смартфон, ноутбук ва бошқа технологиялардан фойдаланиш туфайли сезиларли даражада ўзгарган танага эга.

Тадқиқотчиларнинг таъкидлашича, танадаги катталаштирилган ўзгаришлар технологиядан ортиқча фойдаланишнинг жисмоний ва ақлий зарарини кўрсатади. Танадаги ўзгаришлар қуйидагича намоён бўлади:

Букрилик

Тадқиқотга кўра, букилган бел — технология олиб келиши мумкин бўлган ўзгаришлардан биридир. Телефон ёки компьютер экранига қараганда ҳолат ўзгаради ва танага кўпроқ босим тушади. Мапле Holisticсънинг соғлиқни сақлаш бўйича мутахассиси Калеб Бакнинг таъкидлашича, телефонга эгилиб қараш умуртқа поғонасини мувозанатдан чиқаради, бўйин мускуллари эса бошни тутиб туриш учун қўшимча куч сарфлаши керак.

«Матнли панжа» (телефонни ушлайдиган қўл панжаси)

Тадқиқотга кўра, Миндй ҳам «матн теришга мослашган панжа» деб аталадиган касалликдан азият чекади. Бу ҳолат смартфонни ушлаб, бармоқларни узоқ вақт давомида бошқача ҳолатда ишлатгандан сўнг пайдо бўлади.

90 даражали тирсак

«Смартфон тирсаги» деб ҳам аталадиган 90 градусли тирсак смартфонни жуда узоқ вақт ушлаб туриш натижасида юзага келади. Илмий жиҳатдан, бу позиция оқибатида нервлар чўзилади ва қўлларда заифлик юзага келади.

«Техник бўйин» (сиқилган бўйин)

Технологиянинг бўйинга таъсири ҳам янги ҳолатга олиб келиши мумкин. Доктор C. Даниэль Риоу «Саломатлик масалалари» журналида чоп этилган мақоласида «техник бўйин» нима эканлигини тушунтиради:

Компьютерда ишлаганингизда ёки телефонга қараганингизда бўйиннинг орқа мушаклари бошни тутиб туриш учун қисқариши керак. Қанчалик кўп пастга қарасангиз, бошингизни кўтариб турадиган мушакларга шунчалик қийин бўлади. Бу мушаклар ҳаддан ташқари зўриқиш туфайли босимга учраши мумкин.

ТоллFreeForwardинг тадқиқоти шуни кўрсатадики, Миндй смартфоннинг РФ нурланишининг зараридан ҳимоя қилиш учун катта бош суягига эга. Келажакда одамларда ҳам шу каби бош суяги ичида кичик мия бўлади.

Кўзнинг иккинчи қовоғи

Бош оғриғи, кўз зўриқиши ва кўрлик юзага келмаслиги учун Миндй ортиқча ёруғлик таъсирини олдини олиш мақсадида кенгайтирилган ички кўз қовоғига эга бўлади.