Туркия Украинани ўққа тутмоқчи бўлган Россия кемаларини Қора денгизга ўтказмади

Туркия Россиянинг Украинани ракеталар билан ўққа тутиш учун Қора денгизга киришга уринган ҳарбий кемаларини Босфор бўғозидан ўтказмади. Бу ҳақда Қора денгиз стратегик тадқиқотлар институти мониторинг гуруҳи раҳбари, журналист Андрей Климов маълум қилди.

Унинг сўзларига кўра, Россия Тинч океани флотининг «Варяг» ракета крейсери ва сувости кемаларига қарши катта «Адмирал Трибуц» кемаси Ўртаер денгизида Владивостокдан чиқиб, Украинани ўққа тутиш учун Босфор бўғози орқали Қора денгизга бормоқчи бўлган.

Бироқ Туркия уларни денгизга ўтказмаган. Кеча, 6 ноябрь куни ушбу кемаларни Сингапур бўғозида кўришган. Улар Владивостокдаги базага қайтиб кетаётган бўлган.