Жиззах вилояти Дўстлик туманида жойлашган «Манас-14» ЙПХ масканида сотиш учун олиб кетилаётган 1,2 тонна гўшт тўхтатиб қолинди.
Вилоят ИИБ матбуот хизматининг маълум қилишича, ушбу ЙПХ масканида карантин тадбирларини таъминлаш гуруҳи ҳамкорлигида ўтказилган рейдда Самарқанд—Тошкент йўналишида ҳаракатланаётган Isuzu тўхтатилиб текширилганда унинг юкхонасида номаълум ҳайвонга тегишли жами 1,2 тонна гўшт маҳсулоти борлиги аниқланган.
Ушбу гўшт Самарқанд вилоятидан Тошкент шаҳрига сотиш мақсадида олиб кетилаётган бўлган. Гўшт маҳсулотининг истеъмолга яроқли ёки яроқсизлигини аниқлаштириш учун вақтинча музхонага жойлаштирилган.
Мавзуга доир: Тошкент ва Бухоро вилоятларида истеъмолга яроқсиз 2,3 тоннадан ортиқ гўшт сотилишининг олди олинди
Изоҳ (0)