АҚШ президенти Жо Байден мамлакатдаги штатлар сонини чалкаштириб юборди ва АҚШ 54 та маъмурий-сиёсий бирликдан иборатлигини айтди, деб ёзмоқда Fox News.
Пенсильваниядаги нутқи давомида давлат раҳбари 2018 йилда Демократик партия томонидан ўтказилган сайлов кампанияси ҳақида гапирар экан, демократлар АҚШнинг «54 та штатига ташриф буюргани»ни таъкидлади.
«Беҳазил. Шу боис 2018 йилда ғалаба қозондик. Биз 54 та штатга ташриф буюргандик », — деди Америка раҳбари.
Америка Қўшма Штатлари таркибига 50 та штат ва Вашингтон жойлашган Колумбия Федерал округи киради. Мамлакат шунингдек, Виржиния ороллари, Гуам, Пуэрто-Рико, Америка Самоаси ва бошқаларни ўз ичига олувчи айрим орол ҳудудларини назорат қилади.
2008 йилда АҚШнинг собиқ президенти Барак Обама ҳам нутқида янгилишган ва 57 штатга ташриф буюрганини айтганди.
Оқ уй веб-сайтида Байден Харриснинг лавозимини айтишда янгилишиб «вице» сўзини тушириб қолдиргани ҳақида эслатма берилган.
Изоҳ (0)