Россиянинг Краснодар ўлкаси, Ейск шаҳрида бомбардимончи самолётнинг ҳалокатга учраши ҳолатларини ўрганиш чоғида унинг двигателига иккита чайка кириб қолгани аниқланди. Бу эса самолёт ҳалокатига сабаб бўлган, деб маълум қилди «ТАСС» агентлигининг манбалари.
«Уларнинг (чайка) қолдиқлари экспертлар томонидан самолёт бўлакларини текшириш чоғида топилди», — деди манба ва самолёт ҳавога кўтарилаётганда қушлар двигателига кириб қолганини қўшимча қилди.
Россия Тергов қўмитаси, прокуратура ва Ейскдаги авиаҳалокат сабабларини аниқлашга жалб қилинган бошқа тузилмалар самолёт ҳалокати сабаблари ҳақида ҳали расмий баёнот бермади.
17 октябрь оқшомида Ейск шаҳридаги тўққиз қаватли бино яқинида Су-34 бомбардимончи самолёти ҳалокатга учраган эди. Самолёт учувчилари парашютда сакрашга муваффақ бўлган.
Ҳалокат жойида ёнғин содир бўлган. Ёнғин турар жой биносига ўтиб, 70 дан ортиқ хонадон зарар кўрган. Сўнгги маълумотларга кўра, 15 киши ҳалок бўлган, 20 дан ортиқ киши жароҳатланган.
Изоҳ (0)