Ўзбекистоннинг шимолий ҳудудларидан бошқа барча ҳудудларда 18 октябрь куни ёғингарчилик бўлиши прогноз қилинмоқда.
«Ўзгидромет»нинг 15—18 октябрь кунлари учун ишлаб чиққан прогноз хабарига кўра, 18 октябрь, сешанба куни Бухоро, Навоий, Самарқанд, Жиззах, Сирдарё, Тошкент, жанубий вилоятлар (Сурхондарё ва Қашқадарё) ҳамда Фарғона водий вилоятларида ёғингарчилик кутилади.
Иқлимшунос Эркин Абдукаҳатовнинг ёзишича, мазкур ёғинларни Кавказ ҳудудларидан келиши кутилаётган нам ҳаво оқимлари минтақага олиб келади. Оқим ҳароратни бироз пасайтиради, аммо кескин совишни келтириб чиқармайди. Тоғларда эса ҳозирги мавсумий ҳароратдан келиб чиқиб, қор ёғиши мумкин.
«Узоқ муддат давом этган ёғингарчиликсиз кунлар кетидан, мазкур нам оқим жойларда очиқ сирт юзаларида турган чанг заррачаларини ювади», — дейди мутахассис.
Изоҳ (0)