Бухорода ер олди-сотдиси билан боғлиқ жиноят фош этилди, деб хабар бермоқда Бош прокуратура матбуот хизмати.
Маълум қилинишича, фуқаро А.Ш. Бухоро вилояти ИИБ ЖҚБ Ер ресурслари талон-торож қилинишига қарши курашиш бўлинмасига қилган мурожаатига асосан, вилоят прокуратураси ва ҳуқуқни муҳофаза қилувчи орган ходимлари билан ҳамкорликда тезкор тадбир ўтказилди.
Тадбирда С.С. ва А.Ш. Бухоро тумани «Боғдашт» маҳалласида жойлашган фуқаро Ш.А.га тегишли бўлган иссиқхона қурилиши учун ажратилган жами 2 гектар ер майдонининг бўш бўлган қисмини 8 минг долларга сотишга келишиб, келишилган пуллардан 4 минг долларни ариза муаллифидан фирибгарлик йўли билан олаётган вақтда ашёвий далиллар билан ушланган.
Мазкур ҳолат юзасидан С.С. ва бошқаларга нисбатан Жиноят кодексининг 25, 168-моддаси 2-қисми «а» банди ва 28, 211-моддаси 1-қисми билан жиноят иши қўзғатилиб, тергов ҳаракатлари олиб боришга киришилган.
Изоҳ (0)