Президент Сирдарё вилоятига ташриф чоғида Сайхунобод туманидаги кластерни бориб кўрди. Давлат раҳбари бу ерда журналистлар билан ҳам мулоқот қилиб, вилоятни ривожлантириш ишлари янги босқичга кўтарилишини айтди, деб хабар бермоқда «Дарё» мухбири.
«Сирдарёда 2023 йили ишсизликни тугатишга бор кучимиз билан ҳаракат қиламиз. Кластерларда, фермер хўжаликларда, шунингдек, вилоятнинг турли ҳудудларида янги иш ўринлари яратамиз. Масалан, боя мен гаплашган тадбиркорлардан бири айтяпти, ‘қишлоқда тикувчилик фабрикаси очиш эвазига қишлоқдаги аёлларни иш билан таъминламоқчиман’, деб. Мен уни қўллайман», — деди давлат раҳбари.
Шавкат Мирзиёев Сирдарё вилоятининг эски муаммолари ҳал қилинганини гапириш вақти ўтганини таъкидлади.
«Биз Сирдарёда ишсизликни йўқотиш, ҳудудни ривожлантириш устида ишлашимиз керак. Мен куз-қиш мавсумидаги вилоятларда юришимни Сирдарёда бошлаганимнинг сабаби ҳам айнан ҳудуддаги муаммоларни билиб, керакли ишларни амалга оширишдир», — деди давлат раҳбари.
Мавзуга доир: «Сирдарёга одамларнинг бири икки бўлиши учун зарур йўналишларни белгилагани келдик» — Шавкат Мирзиёев
Изоҳ (0)