«Севилья» Лопетегини истеъфога чиқарди. Унинг ўрнини Аргентина терма жамоаси собиқ устози эгаллаши кутилмоқда

«Севилья» бош мураббийи Хулен Лопетеги ўз лавозимидан озод этилди.

56 ёшли мутахассисни истеъфога чиқариш қарори Чемпионлар Лигаси 3-тури доирасида «Боруссия Д»га қарши кечган ўйиндан (1:4) сўнг чиқарилди.

Андалусияликлар клуби Ла Лига 7-туридан кейин 17-ўринда бормоқда ва бу ўйинларда фақат битта ғалабага эришди. Чемпионлар Лигасида эса «Боруссия»дан ташқари «Манчестер Сити»га ҳам йирик ҳисобда (0:4) ютқазганди.

Лопетеги «Севилья»ни 2019 йилнинг ёзидан бери бошқариб келаётганди.

Ўтган мавсум унинг қўл остидаги жамоа Ла Лигада 4-ўринни эгаллаганди. «Севилья» учинчи ўриндаги «Атлетико»дан бир очко, иккинчи ўриндаги «Барселона»дан эса бир очко кам тўплаган.

Хабарларга кўра, «Севилья» Лопетеги ўрнига Хорхе Сампаолини олиб келмоқчи. Аргентиналик мутахассиснинг сўнгги иш жойи «Марсель» бўлганди.