Бугун, 6 октябрь куни АОКАда бўлиб ўтган брифингда Кадастр агентлиги бошқарма бошлиғи Одил Маҳмудов мурожаатларини кўриб чиқишда қонунбузарликларга йўл қўйган ходимларга қандай чоралар кўрилгани ҳақида айтиб ўтди.
Маълум қилинишича,жами 17 минг 421 та мурожаат келиб тушган. Шундан 12 минг 795 таси (76 фоизи) қаноатлантирилган бўлса, 3 минг 737 таси (22 фоизи)га умумий тушунтириш берилган. Шунингдек, 304 та ариза қонун ҳужжатлари асосида рад этилган ва 392 та мурожаат бугун кўриб чиқиш жараёнида.
«Жорий йилнинг ўтган даври мобайнида Кадастр агентлиги ва ҳудудий бошқармаларига жисмоний ва юридик шахсларнинг мурожаатларини кўриб чиқишда камчиликлар ва қонунбузарликларга йўл қўйган раҳбар ҳамда масъул ходимларга нисбатан 32 та жарима, 142 та ҳайфсан, жами 174 та интизомий жазо чоралари қўлланилган», — деди Одил Маҳмудов.
Мавзуга доир:
- Ўзбекистонда энди айрим фуқаролардан кадастр бўйича кўрсатилган давлат хизмати учун йиғим ундирилмайди
- Кадастр паспортини шакллантириш қайси ҳолатларда бепул расмийлаштирилади?
- Президент виртуал қабулхонаси ва Халқ қабулхоналарига кўпроқ қандай масалаларда мурожаат қилинаётгани маълум қилинди
- Кадастр хизматларидан фойдаланишда муаммолар юзага келмоқда. Кадастр агентлиги ҳолатни изоҳлади
Изоҳ (0)