Россия президенти Владимир Путин 7 октябрь — туғилган кунини иш жойида ўтказади. Бу ҳақда Кремль расмий вакили Дмитрий Песковга таяниб, «ТАСС» хабар берди.
Песковнинг таъкидлашича, шу куни Россия раҳбари учун бир қанча тадбирлар режалаштирилган. Путин 7 октябрь, жума куни ўзининг 70 ёшини қаршилайди.
«Путин туғилган кунини иш жойида ўтказади, иш тадбирлари режалаштирилган», — деди Песков.
Аввалроқ Рамзан Қодиров Чеченистонда Путиннинг туғилган куни муносабати билан оммавий тадбирлар ташкил этилгани ҳақида хабар қилганди. 7 октябрь куни Чеченистонда Путин номидаги дзюдо олимпия машғулотлари маркази, шунингдек, «Минутка» кўп функцияли мажмуа очилади. Бундан ташқари, Россия президентининг 70 ёши шарафига кўплаб спорт мусобақалари ўтказилади.
Владимир Путин 1952 йил 7 октябрда Ленинградда туғилган. У оилада учинчи ўғил эди, лекин у туғилишидан олдин икки акаси — Алберт ва Виктор вафот этган.
Изоҳ (0)