УЕФА президенти: «Инглиз клублари Суперлигага қўшилмайди, уларсиз эса рақобат бўлмайди»

УЕФА президенти Александер Чеферин Европа Суперлигаси ғояси қайта туғилмайди деб ҳисоблайди.

Суперлига ғояси устидан қозонилган ғалаба якунийлиги ҳақида

10-15 йилдан кейин ҳам бундай ғоялар қайта туғилишига шубҳа билан қарайман. Учта клуб президенти ўз эголари туфайли нимадир даъво қилишда давом этади.

Европа футболида энг муҳим бўлган инглиз клублари Суперлигага қўшилмайди, уларсиз эса жиддий рақобат бўлмайди.

Андреа Анелли ва Флорентино Перес билан ҳозирги кундаги алоқалари ҳақида

Биринчи навбатда, у даврлар ҳақиқатда ҳам нотинч эди. Вақти келганда бу ҳақида кўпроқ гапиришим ёки жуда қизиқарли бўладиган китоб ёзишим мумкин.

Ўша вақтлар мен 48 соат ухламадим, овқатланмадим, ҳеч нарса ичмадим. Менга қўнғироқлар бўларди, таҳдид қилишарди.

Анелли билан алоқаларимиз йўқ ва Перес билан ҳам жиддий муносабатда бўлмаганман. Бироқ Чемпионлар Лигаси финалида бир-биримиз билан сўрашдик. У менинг ёнимга ўтирди, чунки УЕФА менинг шахсий ташкилотим эмас ва протокол бўйича финалчи доим президентнинг ёнида ўтиради. Биз яхши гаплашдик ва Суперлига мавзусига тегмадик.

Александер Чеферин, УЕФА президенти