«Манчестер Сити» бош мураббийи Хосеп Гвардиола ҳужумчилар Эрлинг Ҳоланд ва Лионель Мессини ўзаро солиштирди.
Испаниялик мутахассисга Ҳоланднинг ҳар бир ўйинда гол ураётганидан келиб чиқиб, уни Месси билан бир ўринга қўйиш мумкинлиги ҳақида савол берилди.
«Фарқ шундаки, Эрлингга бу ишларни амалга ошириш учун барча жамоадошлари керак. Бунга ақл бовар қилмайди.
Месси эса бу ишни якка ўзи амалга ошира олади», — дейди Гвардиола.
Хосеп аргентиналик футболчи билан «Барселона»да бирга ишлаган.
Аввалроқ «Манчестер Сити» футболчиси Фил Фоден Мессини ортда қолдириб, Гвардиола қўл остидаги ўйинларда 50+ гол урган энг ёш футболчига айлангани хабар қилинганди.
Изоҳ (0)