Ўзбекистон инновацион ривожланиш вазири Иброҳим Абдураҳмонов бошчилигидаги делегация Токиода Япония Халқаро ҳамкорлик агентлиги катта вице-президенти Кеичиро Наказава билан учрашди, деб хабар бермоқда «Дунё» АА.
Қайд этилишича, томонлар Орол денгизининг қуриган туби ҳудудида тадқиқотлар олиб бориш учун илмий станция яратиш, Оролбўйи ҳудудини иқтисодий ривожлантириш, ёшларни иш билан таъминлаш мақсадида Япониянинг кичик инновацион технологияларини жалб қилишда ҳамкорлик олиб бориш масалаларини муҳокама қилди.
Ўзбек-япон ёшлар инновацион маркази фаолиятини такомиллаштириш борасида ҳамкорликда амалга оширилган молиявий ва инфратузилмавий ўзгаришлар, Оролбўйи ҳудудида қишлоқ хўжалигини ривожлантириш ва экологик ҳолатни яхшилаш бўйича Ўзбекистон ва Япония олимлари ҳамкорлигида бажарилаётган қўшма тадқиқотлар қайд этилди.
Стартапларни қўллаб қувватлаш ва ёшларда тадбиркорлик кўникмаларини ривожлантириш учун қўшма акселератор дастурини ташкил этиш бўйича фикрлар алмашилди.
Мавзуга доир:
- Ўзбекистон қурилиш соҳасига Япония мутахассисларини жалб қилади
- Япония мева-сабзавотчилик соҳасини ривожлантириш учун Ўзбекистонга қўшимча 200 млн доллар ажратади
- ССВ: Япония Ўзбекистонга энг сўнгги русумдаги замонавий компьютер томографияси ускуналарини тақдим этди
- Ўзбекистонда тарихий объектларни реставрация қилишга япониялик мутахассислар жалб қилинади
Изоҳ (0)