Россиянинг Санкт-Петербург шаҳрида ишлаётган Ўзбекистон фуқаросига паспорти қайтариб берилди. Бу ҳақда Ташқи меҳнат миграцияси агентлиги хабар бермоқда.
Таъкидланишича, агентликнинг Санкт-Петербургдаги вакиллигига фуқаро Р.Б. вақтинча ишлаётган қандолат корхонасида иш берувчи томонидан фуқаролик паспорти олиб қўйилгани тўғрисида мурожаат қилган. Масалага ойдинлик киритиш мақсадида иш берувчи билан суҳбат ўтказилиб, Россиянинг амалдаги қонунчилиги асосида жавобгарликка тортилиши ҳақида огоҳлантирилган ва фуқаронинг паспорти ўз эгасига қайтарилган.
Шунингдек, фуқаро билан Россия ҳамда Ўзбекистон қонунчилигини бузмаслик, оммавий намойишларда иштирок этмаслик ҳамда турли ваъдаларга учмаслик юзасидан тарғибот-ташвиқот ишлари олиб борилган.
Мавзуга доир:
Изоҳ (0)